➡️ Bugungi #kasbiga_sadoqatli_insonlar rukni ostidagi sahifa mehmoni – “Oʼzbekiston temir yoʼllari” АJ “Buxoro mintaqaviy temir yoʼl uzeli” unitar korxonasi tasarrufidagi Ziyovuddin temir yo‘l masofasi yo‘l brigadiri Norboboyev Nuriddin Norqulovich!
Temir yo’ldagi mehnat faoliyati davri: 33 yil
Mazkur vazifada 2019 yildan buyon ishlab kelmoqda
1990 yilda temir yo‘ldagi ilk mehnat faoliyatini “O‘zbekiston temir yo‘llari” aksiyadorlik kompaniyasi Buxoro mintaqaviy temir yo‘l uzeli tasarrufidagi Ziyovuddin temir yo‘l masofasi yo‘l tuzatuvchisi vazifasida boshlagan Norboboyev Nuriddin aynan shu vazifada 29 yil ishladi. Korxona hududdidagi bir nechta tarmoqlarda yillar davomida orttirgan tajribasi uni tajribali temiryo‘lchiga aylantirdi.
2019 yildan hozirga qadar “O‘zbekiston temir yo‘llari” aksiyadorlik jamiyati Buxoro mintaqaviy temir yo‘l uzeli unitar korxonasi tasarrufidagi Ziyovuddin temir yo‘l masofasi yo‘l brigadiri vazifasida ishlab, “Ustoz- shogird” an’anasiga sodiq qolgan holda korxonadagi mehnat faoliyati davomida o‘z sohasida orttirgan bilim, ko‘nikmalari va tajribalariga asosan bir qancha yosh temir yo‘l ta’mirlovchilariga temir yo‘l izini joriy ta’mirlash bo‘yicha sir-sinoatlarni o‘rgatib kelmoqda. Ular hozirgi kunda yo‘l tuzatuvchisi vazifasida faoliyatlarini olib borishmoqda. Nuriddin Norboboyev o‘z sohasining yetuk mutaxassisi. Poyezdlar harakati xavfsizligini ta’minlash, temir yo‘l izini doimiy soz holatda saqlash birinchi o‘rindagi vazifasi ekanligini o‘zining shiori deb biladi.
– Yo’l brigadiri yo’l ta’mirlovchilarini, navbatchilarni, liniyalarni nazorat qiladi, yo’lni tekshirish uchun bevosita mas’uldir, yo’l ustki tuzilishidagi nosozliklarni aniqlaydi va brigada ishi uchun xavfsizlik choralarini ko’radi, – deya tushuntirdi Nuriddin Norboboyev o’z vazifasi haqida.
Nuriddin aka ishdan tashqari o‘zi istiqomat qilayotgan mahallada ham faollardan hisoblanadi.
Umrining uzoq yillarini temir yo’lga bag’ishlagan, kasbini har narsadan ustun qo’ygan, bolalariga yaxshi tarbiya bera olgan 3 o‘g‘ilning otasi, o‘z kasbining fidoyisi va jonkuyar insoni hisoblangan bugungi sahifamiz mehmoni Nuriddin Norqulovichga kuch-quvvat, sog‘lik tilaymiz.
Ota kasbidan ruhlanib, faxrli temiryo’lchi bo’lishni ahd qilgan bir nafar farzandi temiryo’lchilar sulolasining uchinchi avlodi sifatida hozirda Narpay temir yo’l bekati bekat navbatchisi vazifasida ishlab kelmoqda.
Manba:
Telegram kanalimiz: https://t.me/bmtu_press
